Johresbericht 2016

Dat Joahr fung an mit de letzten Theatervorstellungen von dat Stück „Putzfroon un Waschlappen“. De Vorstellungen weern alle utverkofft.
Ende April weer Arbeitsdienst bien Schopkoben in Holthusen. De Bedeeligung weer letztet Johr temlich moger. Wi weern insgeamt bloß 4 Mann. Ick hoff, datt dit Johr mehr koomt.
Ende Juni hebbt wi deelnohmen an den Gogerichtsdag in Desum mit 4 Schöffen. Rolf Ellerhorst, Günter Vorberger, Jakob Rauschenberger und Frank Huntemann weern de Schöffen. Begleitet hebbt us de Bürgermeister vonne Stadt Wilshusen, Jens Kuraschinski und eene Afordnung vonne Schützengilde sowie Wachesoldoten un wietere Interessierte ut Wilshusen. Wer an dat Spektakel Interesse hett, kann geerne mitkomen und sick dat ankieken, jedes Johr den Sonnabend no Johanni.
Dit Joahr is dat de 24.06. op de Gogerichtsanloge bi Emstek.

In Juli hebbt wi usen Utflug mokt. Dat gung no Ollnborg. Dor hebbt wi dat Museum „Mensch und Natur“ ankeken. Middag geft dat in Waordenborg bi Fischbeck.Anschließend hebbt wi eene Stadtführung in Ollnborg mokt. Dat Weer weer leider dörwachsen. Kaffeetafel weer in Sandkrug bien Druckereimuseum. De Fohrt hett woller Anke Johannes
bestens organiseet und is woller good annohmen wutten. Anke, dorfor nochmols veelen Dank.
Anfang August weer de Schopkobenabend. De Wandergruppe hatt eene Fohrradtour vorweg organiseert. För de musikalische Unnerhaltung sorgte de Kapell „De Stützstrümpfe“. Dat geev Brotwuss un Solot. De Stimmung weer good.Alle hebbt sick good unnerholen und veel Spoß hart. Mit ca. 70 Deelnehmer weer de Obend good besocht.
Ende August weer Dorpbereisung. Dat Motto lautet uk letztet Johr woller „Een Dorp stellt sick för“. De Dorfgemeisnschaften Lütschenkneten und Lohmöhlen weer dran, ehr Dörp to präsentieren. Wi weern 175 Deelnehmer. Dat hatt use Erwartungen komplett överdropen. Mit so hohe Resonenz hebbt wi nicht regnet. De Bereisung weer sehr good organiseert. Mit Fohrrad und Kremsergruppen gung dat dör beide Dörper. Open Reiners Hof wutt Botterkoken backt. Obends wutt bien Vereensheim in Lütschenkneten grillt.
Uk use Bürgermester, Jens Kuraschinski, weer uk mit dorbi. Insgesamt weer dat woller een rundet Gesamtpaket för jung und olt. Aktive Heimatkunde kombiniert mit Geselligkeit, dat kump an. De Dorpbereisungen, dee wie en paar Johre all dörföhrt, weert good annohmen und wiest us, dat wi upn richtigen Weg sind. At Dankeschön hebbt de Dorpgemeinschaften eene Holtbank kreegen. An disse Stelle nomols veelen Dank an Lütschenkneten/Lohmöhlen.
Dat Arntefest weer dann Ende September. Tosomen mit dat Landvolk, de Landfroon und de Landjugend hebbt wi de Fier woller organiseert. De Arntekrone wutt bunden vonn DG Düngstrup. Dat Fest weer good besocht. At regionale Öberaschungskünstler sünd de „Brettorfer Dorfplattler“ uptreten. De hebbt goode Stimmung verbreitet Uk de Werder Fan Club 27801 ut Brettorf hatt noch vorbie keken und hett mit us in Düngstrup fiert. Insgesamt weer alles woller bestens.
De Arntekrone wutt, nodem de to erst inne katholische Karken bien Arntedankgottesdienst weer, den stv. Bürgermeister vonne Stadt Wilshusen öbergeben. In Foyer von Stadthus wutt de Arntekrone noch een poor Weeken utstellt.
In Dezember weer dann nochmol Theaterpremiere von dat Stück „Goode Landluft gifft dorto“. De Vorverkoop leep woller wie am Schnürchen. Sonndags weer woller Adventskaffee. De Düngstruper Kinner hebbt uk wat inüvt und at upe Bühne vor mokt. Dat keem good an und so bindet man froh junge Bühnenkünstler.
De Dezembervorstellungen weern good besocht. De Januarvorstellungen alle utverkofft. Wi weern woller good tofreern. Mehr vertellt joh noher Uwe Meyenburg.
De Wandergruppe weer ebenfalls woller aktiv. Kalle Scheele hett de Organisation vonne Wandergruppe övernohmen und hatt mit unnerstützung von Volker Reißner, de mokt de Pressearbeit, good henkregen. Kalle hatt dat letztet Johr dat erste johr offizielle mokt und
hatt de Wandergruppe good betreut. Wo dat allerdings an hapern deiht, vertellt he sicher noch in sein Bericht.
Insgesamt moch ick seggen, dat alle Veranstaltungen von usen Vereen sehr good besoch wutten sünd. Neben Theater und Wanderveranstaltungen weern insbesondere de Bedeeligung bien Schopkobenabend und bi de Dorpbereisung letztet Johr överdörschnttlich good besocht. Dat is for us een teken, dat use veelfältige Vereensangebot een gesunden Veranstaltungsmix is ut Kultur- und Heimatkunde in Kombination mit Geselligkeit und Traditionspflege. Dat kummt ganz good an. Dat freut us und motiveert us för de Tokunft.
Dat eenzigste is de Arebitsdienst bien Schopkoben. Dor drööft ruhig noch een poor mehr Lüer koommen.
Wi heppt us von Vorstand entschloten, een Informationsblatt rut to geben. Hier sind de wichtigsten Informationen drop. De Wanderplon, Termine und een poor Informationen von letztet Johr. Disse Information sind wi up veelfachen Wunsch no komen. Ick hoff, datt joh dat gefallt.
Toon Schluß moch ick noch use Neumitgleeder vorlesen.
Behrens, Greta
Blömer, Frank
Bocklage, Reinhard
Degener, Roland
Flath, Alexander
Häufele, Rosa
Hildebrandt, Brigitte
Hogeback, Ludger
Kinzel, Waltraud
Meyer-Nicolaus, Inge
Obdenbusch, Margitta
Obdenbusch, Ulrich
Plate, Sonja
Schumann, Waltraud
Thöle, Jens
Tschöpe, Melanie
Weber, Hanna
Wegener, Brigitte
Dat sünd dit Joahr 18 Neeintritte. Insgesamt hett use Vereen somit 520 Mitglieder
Ick moch mi uck dit Joahr bi mien Vorstand vör de goode tosomenarbeit bedanken. Da klappt ganz good mit us. Veelen Dank an joh.
So, dat weer mien Johresbericht 2016.
Ick hoff, dat ick nicht o veel vergäten hebb.
Danke for dat tolüstern.
gez. Hergen Stolle